لیستی مووچەی مانگی 10 ڕەوانەی بەغدا کرا

ئاڤا نیوز

تیمێک لە وەزارەتی دارایی و ئابووری هەرێمی کوردستان گەیشتنە بەغدا و لیستی مووچەی مانگی 10ـیان گەیاندە وەزارەتی دارایی عێراق.

وێنە گەورەکە: وەزارەتی دارایی هەرێمی کوردستان، پابەندییەکانی خۆی بۆ دابینکردنی مووچە لەلایەن بە‌غداوە جێبەجێ دەکات، لەو چوارچێوەیە لیستی مووچەی مانگی 10 ڕەوانە کردووە و کار لەسەر ئامادەکردنی تەرازووی پێداچوونەوەی هەمان مانگ دەکات.

زانیاریی تایبەت: سەرچاوەیەک لە وەزارەتی دارایی و ئابووری هەرێمی کوردستان؛ بە ئاڤای گوت، "تیمی ڕێکخستنی لیستی مووچە، ئەمڕۆ سێشەممە لیستی مووچەی مانگی 10ـیان بردووەتە بەغدا و بەدەست ڕادەستی وەزارەتی دارایی عێراق دەکرێت."

ئەمەش بزانە: ئەمە لە کاتێکدایە، سەرەڕای ڕادەستکردنی تەرازووی پێداچوونەوە و داهاتی نانەوتی مانگی نۆ، بەڵام تاوەکو ئێستا وەزارەتی دارایی عێراق ڕەزامەندی لەسەر خەرجکردنی مووچەی مانگی نۆی مووچەخۆران نەداوە.