ئاگربەستی تاک لایەنە لە سوودان ڕادەگەیێنرێت

ئاڤا نیوز

ئێوارەی دووشەممە، هێزەکانی پشتیوانیی خێرا تاک لایەنانە و بێ ڕێککەوتن ئاگربەستێکی مرۆیی بۆ ماوەی سێ مانگ ڕاگەیاند، ئەوەش ڕۆژێک دوای ئەوەی سوپای سوودان پێشنیازێکی نێودەوڵەتی بۆ ئاگربەست ڕەتکردبووەوە.

ڕاگەیێنراوی فەرمی: محەممەد حەمدان دگلۆ ناسراو بە "حمێدتی"، فەرماندەی هێزەکانی پشتیوانیی خێرا ڤیدیۆیەکی تۆمار کراو ڕایگەیاند: "بەرامبەر هەوڵە نێودەوڵەتییەکان لە سەرووی هەموویانەوە دەستپێشخەرییەکەی دۆناڵد ترەمپ، سەرۆکی ئەمریکا و هەوڵەکانی چوار وڵاتەکە، یەکێتی ئەفریقا و ڕێکخراوی ئیگاد، ئاگربەستێکی مرۆیی ڕادەگەیەنین کە بریتییە لە وەستاندنی شەڕ و پێکدادانەکان بۆ ماوەی سێ مانگ، و ڕازیین لەسەر پێکهێنانی میکانیزمێکی چاودێری نێودەوڵەتی".

لە لایەکی دیکەوە: عەبدولفەتاح بورهان، سەرۆکی ئەنجوومەنی سەروەریی ڕاگوزەریی سوودان ڕایگەیاند: "هیچ ناڕەزایەتییەک نییە بەرامبەر بە ئاگربەست، بەو مەرجەی میلیشیاکە لە هەموو ناوچەیەک بکشێتەوە کە دوای ڕێککەوتنی جەددە کۆمتڕۆڵی کردووە".

ئەوەی پێویستە بیزانیت: لە مانگی چواری ساڵی 2022، شەڕ و پێکدادن لەنێوان سوپا و هێزەکانی پشتیوانیی خێرا بەرپا بوو، دواتر لە مانگی 12ی ساڵی 2023 هەردوولا لە شاری "جەددە"ی سعوودیە ڕێککەوتنێکیان بە چاودێریی ئەمریکا و سعوودیە بۆ ئاگربەست واژۆ کرد بەڵام دواتر ڕێککەوتنەکە پێشێلکرا و لە ئێستادا جەنگی ناوخۆی سوودان بەردەوامە.