لەسەر ڕاسپاردەی سەرۆک بارزانی لیژنەیەک بۆ یەکخستنی هەڵوێستی هێزە سیاسییەکان پێکهات

ئاڤا نیوز

 

لەسەر ڕاسپاردەی سەرۆک بارزانی لیژنەیەک بۆ یەکخستنی هەڵوێستی هێزە سیاسییەکان پێکهات بەمەبەستی یەکخستنی هەڵوێستی هێز و لایەنە سیاسییەکانی براوەی هەڵبژاردن.

لێدوانی فەرمی: پشتیوان سادق، بەرپرسی مەکتەبی ڕێکخستنی پارتی لە پارێزگای هەولێر لە هەژماری تایبەتی خۆی لە تۆڕی کۆمەڵاتیی فەیسبووک بڵاوی کردەوە، "لیژنەیەکی باڵا لە پارتی دیموکراتی کوردستان لەسەر ڕاسپاردەی سەرۆک بارزانی پێکهات بەمەبەستی یەکخستنی هەڵوێستی هێز و لایەنە سیاسییە کوردییە براوەکانی هەڵبژاردن. لیژنەکە پێکدێت لە (هۆشیار زێباری، د پشتیوان صادق و عەلی حوسێن).

 

بەگوتی پشتیوان سادق، بڕیارە سەردانی هێز و لایەنە سیاسیەکان بکات و، لە یەکەم سەردانیاندا ئەمڕۆ چوارشەممە، 26ی 11ی 2025 سەردانی مەکتەبی سیاسیی یەکگرتووی ئیسلامی کوردستانیان کرد بەمەبەستی گفتوگۆکردن لەبارەی هەماهەنگی نێوان هێز و لایەنە سیاسییەکان و کارکردن بۆ دروستکردنی کۆدەنگییەکی پێکەوەیی لەسەر ڕووداو و پێشهاتەکان و پرۆسەی سیاسیی عێراق.

 

نوێ دەکرێتەوە..