چیرۆکەکانی کارلۆس ڕویز زافۆن بە زمانی کوردی بڵاودەکرێنەوە

ئاڤا نیوز

"شاری هەڵم" کە کۆکراوەی هەموو چیرۆکەکانی نووسەری جیهانی کارلۆس ڕویز زافۆنە، لە ئیسپانییەوە وەرگێڕدراونەتە سەر زمانی کوردی و بڵاودەکرێنەوە.

زانیارییە بەدەستهاتووەکان: کتێبەکە 11 چیرۆکی لەخۆ گرتووە، دوای کۆچی دواییی ئەو نووسەرەی ئیسپانیا، کۆکراونەتەوە و بڵاوکراونەتەوە، لەلایەن دامەزراوەی پەیک وەرگێڕدراونەتە سەر زمانی کوردی.

لێدوانی فەرمی: ژیار هۆمەر، وەرگێڕی "شاری هەڵم" بە ئاڤا نیوزی گوت:  وەشانخانەی پەیک مافی وەرگێڕانی "شاری هەڵم"ـمان بۆ سەر زمانی کوردی لە ناوەندی خاوەنمافی ئەنتۆنیان کێڕیگان لە شاری بارسێلۆنا وەرگرتووە و لە ئیسپانییەوە وەرمگێڕاوەتە سەر زمانی کوردی.

ئەوەی پێویستە بیزانیت: کارلۆس ڕویز زافۆن، نووسەرێکی هەرە ناسراوی جیهانە بەرهەمەکانی دوای سێرڤانتێس پڕخوێنەرترینی نووسەری ئیسپانیان، بۆ سەروو 50 زمان وەرگێڕدراون و دەیان خەڵاتی بردووەتەوە.