سەعات حەوتی ئاڤا خەڵاتێکی نێودەوڵەتی لە ئەمریکا بردەوە

ئاڤا نیوز

سەعات حەوتی ئاڤا کە پێشکەشکاری بەناوبانگی کوردستان هەوراز گوڵپی پێشکەشی دەکات، خەڵاتی نێودەوڵەتی شۆرتی لە ئەمریکا بردەوە، خەڵاتی هەواڵی کاریگەر. 

وێنە گەورەکە: شۆرتی خەڵاتێکی جیهانییە لەبواری میدیا لە ئەمریکا دەدرێت، پێشتر دەزگا گەورەکانی جیهان وەریانگرتووە، ساڵی ڕابردوو دراوە بە کەناڵی جەزیرە.

بابەتی ستراتیژی: ئەمساڵ ئاڤا خەڵاتەکەی بێ ڕکابەر بردەوە. لیژنەی دادوەری خەڵاتەکە کاتێک دۆسیەی ئاڤایان بینیوە، یەکسەر بڕیاریان داوە بیدەن بە ئاڤا.

هۆکارە زانراوەکان: سەعات حەوتی ئاڤا میدیا لەم ساڵدا کاریگەری هەبووە و خەڵکی بەستووەتەوە بە هەواڵەوە، بەتایبەت چارەسەرکردنی کێشەی خەڵک و کاریگەربوونی هەواڵەکانی.

لێدوانی فەرمی: هەوراز گوڵپی، پێشکەشکاری سەعات حەوت و براوەی خەڵاتەکە دەڵێت: "ئەم خەڵاتە پیرۆز بێت لە هەمووان، لە ئێمە و لە ئێوە، من خەڵاتەکە پێشکەشی ئێوە دەکەم." بەڵێن دەدەم گەرموگوڕتر لە جاران لەسەر قسەی حەق بەردەوام بم و باجەکەی هەرچییەک بێت ئامادەم بیدەم."

ئەمەش بزانە: ئاڤا لەماوەی یەک ساڵی تەمەنی ئەمە شەشەمین خەڵاتی نێودەوڵەتییە بەدەستی بهێنێت، ئەمەش دەیسەلمێنێت یەکەمە و پڕبینەرترین و کاریگەرترین میدیای کوردستانە.