لیوا ئەیوب فەرماندەی هێزەکانی کۆسرەت ڕەسوول لە پۆستەکەی دوورخرایەوە

ئاڤا نیوز

لیوا ئەیوب، فەرماندەی لیوای 3 و 7ـی هێزەکانی کۆسرەت ڕەسووڵ و کەسی نزیک و متمانەپێکراوی ناوبراو لە ئەرکەکەی دوورخرایەوە.

زانیاریی بەدەستهاتوو: سەرچاوەیەکی نزیک لە لیوا ئەیوب بە ئاڤای ڕاگەیاند، بەهۆی ململانێی نێوان لیوا ئەیوب لەگەڵ ماڵی کۆسرەت ڕەسووڵ، ناوبراو لە پۆستەکەی دوورخرایەوە.

ئاماژەی بەوەش دا، هەلوێستی لیوا ئەیوب دیار نییە تا رۆژانی دواتر بزانین هیچ پۆستێکی بۆ یەکلا دەبێتەوە یان وەک ئەوانی تر دەچێتە ماڵەوە، هەڵبەتە باوەڕ ناکەم قبوڵی بکات دوای ئەو هەموو خەبات و قوربانیدانە بچێتەوە ماڵەوە.

زانیاریی زیاتر: دەنگۆ هەیە لیوا ئەیوب خانەنشین بووە، بەڵام سەرچاوەکە بە ئاڤای وت، ناوبراو خانەنشین نەبووە، بەڵکو دوورخراوەتەوە.

لەلایەکی دیکەوە: سەرچاوەیەکی نزیک لە لاهوور شێخ جەنگی، سەرۆکی بەرەی گەل بە ئاڤای وت، لیوای کۆسرەت ڕەسووڵ و سکرتاریەتی مام جەلال تێکەڵی یەکتی کران و لیوا ئەیوب لە پۆستەکەی لابرا، بەهۆیەوە ئێستا لە ناو یەکێتی هیچ کەسێکی هەولێری لە پۆستی باڵا نەماوە و تەسفیەی هەمووی کرا.