وەزارەتی دەرەوەی تورکیا ئیدانەی هێرشکردنە سەر کێڵگەی غازی کۆرمۆر دەکات

ئاڤا نیوز 

وتەبێژی وەزارەتی دەرەوەی تورکیا نیگەرانی وڵاتەکەی لە هێرشەکردنە سەر کێڵگەی غازی کۆرمۆر دەردەبڕێت و دەڵێت: ئیدانەی هەر جۆرە کردەوەیەک دەکەین کە ژێرخانی مەدەنی بە ئامانج دەگرێت.

چیرۆکی سەرەکی: کاتژمێر 11:30 خولەکی شەوی ڕابردوو بە درۆن هێرش کرایە سەر کێڵگەی کۆرمۆر لە چەمچەماڵ، بەهۆیەوە بەشێکی کێڵگەکە گڕی گرت و هەناردەی غاز بۆ وێستگەکانی کارەبا ڕاگیرا، ئاستی بەرهەمهێنانی کارەبا کەم کرایەوە.

لێدوانی فەرمی: ئەمڕۆ پێنجشەممە 27-11-2025 ئۆنجو کەچەلی، وتەبێژی وەزارەتی دەرەوەی تورکیا لە هەژماری فەرمیی خۆی لە تۆڕی کۆمەڵایەتیی ئێکس ڕایگەیاند: لە ڕێی ئەم جۆرە هێرشانەوە سەقامگیری و خۆشگوزەرانی عێراق بە ئامانج دەگیرێت و نیگەرانن لەمە.

- ئۆنجو کەچەلی ئاماژەی بەوەش داوە لە ڕێگای قونسوڵخانەکەیان لە هەولێر ڕێوشوێنی پێویستیان گرتووەتە بەر بۆ پاراستنی گیان و سەلامەتی هاووڵاتییانیان کە لەو کێڵگە غازییە کار دەکەن.