دۆخی ئۆجەلان لە زیندانی ئیمرالی گۆڕانکاری بەسەردا هاتووە

ئاڤا نیوز

پارێزەرێکی ئۆجەلان ئاماژە بەوە دەدات ئەو گۆشەگیرییە تووندەی جاران خرابووە سەر عەبدوڵڵا ئۆجەلان، ئێستا گۆڕانکاری بەسەردا هاتووە و ڕێی پێ دەدرێت، زیندانییانی پەکەکە ببینێت و قسەیان لەگەڵدا بکات.

لێدوانی فەرمی: ئیبراهیم بیملەز، ئەندام لە تیمی پارێزەرانی ئۆجەلان کە دوای شەش ساڵ ڕێگەی پێ درایەوە سەردانی ئۆجەلان بکات، بە ئاژانسی هەواڵی رۆیتەرز'ی ڕاگەیاندووە، بە ڕادەیەکی بەرچاو گۆڕانکاری بەسەر دۆخی ئۆجەلاندا هاتووە کە 26 ساڵە زیندانی کراوە.

ئیبراهیم بیلمەز سەرنجی خستووەتە سەر ئەوەی بەرپرس و پاسەوانانی زیندان بە بەراورد لەگەڵ جاران "بەڕێزانەتر" هەڵسوکەوت لەگەڵ ئۆجەلان دەکەن.

ئەم پارێزەرەی ئۆجەلان هاوکات باس لەوە دەکات ڕێگە بە ئۆجەلان نادرێت ئینتەرنێت بەکار بهێنێت و دەشڵێت: تەندروستی و ئیرادەی ئۆجەلان زۆرباشە و بەردەوامە لە هەوڵەکانی بۆ سەرخستنی پرۆسەی ئاشتی.