ساڤایا فەرمانی دەستبەکاربوونی لە دۆسیەی عێراقدا لە ترەمپ وەرگرت

ئاڤا نیوز

مارک ساڤایا، نوێنەری سەرۆکی ئەمریکا بۆ عێراق ئاشکرای کرد، لە ڕۆژی سوپاسگوزاریدا لەگەڵ دۆناڵد ترەمپ کۆبووەتەوە و فەرمانی ئەرکەکەی لێوەرگرتووە بۆ دەستبەکاربوونی لە دۆسیەی عێراقدا.

وێنە گەورەکە: لە ڕۆژی 19-10-2025، دۆناڵد ترەمپ، سەرۆکی ئەمریکا، مارک ساڤایای وەک نێردەی تایبەتی بۆ عێراق دەستنیشان کرد، بەمەش ساڤایا بە سێیەم نێردەی ئەمریکی بۆ عێراق دادەنرێت، دوای پۆل بریمەر لە ساڵی 2003 و بریت ماکگۆرک لە ساڵی 2014 لە قۆناغی شەڕی دژی داعشدا. 

بڵاوکراوەی فەرمی: مارک ساڤایا، نێردەی تایبەتی ترەمپ بۆ عێراق لە هەژماری خۆی لەسەر تۆڕی ئێکس پەیامێکی بڵاوکردەوە و دەڵێت: ": "فەرمانی ڕاسپاردنم لە فەرماندەی گشتیی هێزەکان، دۆناڵد ترەمپ وەرگرت بۆ دەستبەکاربوونم لە عێراق.".

ئەوەی پێویستە بیزانیت: دەستنیشانکردنی نێردەی تایبەتی دۆناڵد ترەمپ، سەرۆکی ئەمریکا بۆ عێراق، گۆڕانکاریی دەکات لە سیناریۆکانی پێكهێنانی حکومەت لەپاش ئەنجامدانی هەڵبژاردنی ئەنجومەنی نوێنەرانی عێراق و ئامانجی یەکەمیش دوورخستنەوەی هەژموونی هێز و لایەنە پشتیوانەکانی ئێرانە.