شەش ڕۆژ مۆڵەت دەدرێتە حەجخوازان بۆ تەواوکردنی مامەڵەکانیان

ئاڤا نیوز

دوای ڕاگەیاندنی ناوی حەجخوازان بە شێوەی ئەلیکترۆنی، زیاتر لە هەزار حەجخواز مامەڵەیان نەکردووە بۆ بەشداربوونیان لە پڕۆسەی حەج،  کاتیان کەم لەبەردەمدا ماوە و حەج و عومرەی کوردستان داوایان لێ دەکات لەکاتی دیاریکراودا مامەڵەکانیان تەواو بکەن.

وێنە گەورەکە: ئامادەکارییەکانی بەڕێوەبەرایەتی گشتیی حەج و عومرەی کوردستان بۆ بەجێگەیاندنی پڕۆسەی حەجی ساڵی داهاتوو بەردەوامە، سەدان کۆمپانیاش ناویان تۆمارکراوە بۆ ڕاییکردنی کارەکانی پڕۆسەی حەجخوازان.

لێدوانی فەرمی: کاروان ستوونی، گوتەبێژی حەج و عومرەی کوردستان بە ئاڤای ڕایگەیاند: هەزار و 265 حەجخواز ماون مامەڵەی حەج بکەن. داوایان لێ دەکەین لە سبەی رۆژی شەممەوە دەتوانن سەردانی نووسینگەکانی حەج و عومرە و بانکەکان بکەن تاوەکو تووشی قەرەباڵغی نەبن و مامەڵەکانیان دوانەکەوێت.

ئەمەش بزانە: لەدوای ڕاگەیاندنی ناوی حەجخوازان، سێ هەزار و 625  حەجخواز پارەیان داوە و مامەڵەیان تەواو کردووە، ئەوانەی ماون تاوەکو 04-12-2025 کاتیان لەبەردەمدا ماوە بۆ ڕاییکردنی مامەڵەکانیان.