وەزارەتی کارەبا: لە 48 کاتژمێری داهاتوودا پێدانی کارەبا ئاسایی دەبێتەوە

ئاڤا نیوز

دوای هێرشە مووشەکیەکەی سەر کێڵگەی کۆرمۆر و تەقاندنەوەی بەشی خەزانی غازی شل، هەوڵەکان چڕکراونەتەوە بۆ گەڕانەوەی کارەبای نیشتمانی بۆ باری ئاسایی خۆی. 

چیرۆکی سەرەکی: شەوی چوارشەممەی هەفتەی ڕابردوو، کاتژمێر 11:30ـی شەو، بە مووشەک هێرشکرایە سەر کێڵگەی گازی کۆرمۆر لە چەمچەماڵ، بەهۆیەوە بەرهەمهێنانی کارەبای نیشتمانی دابەزی و پێدانی کاتژمێرەکانی کارەبا لە ڕۆژێکدا کەمبووەوە بۆ پێنج کاتژمێر.

لێدوانی فەرمی: ئەردەلان دۆسکی، بەڕێوەبەری گشتیی دیوانی وەزارەتی کارەبای حکومەتی هەرێمی کوردستان بە ئاڤای ڕاگەیاند: هاونیشتمانیان دڵنیا دەکەینەوە بەخێرایی کێشەکە چارەسەر دەکرێت، لە 48 کاتژمێری داهاتووشدا لە هەرێمی کوردستان پێدانی کارەبا ئاسایی دەبێتەوە، چونکە وێستگەی کۆرمۆر چاککراوەتەوە، کۆمپانیای بەرهەمهێنەر داوادەکات دڵنیایی پێ بدرێت بۆ ئەوەی ئەم ڕووداوانە دووبارە نەبنەوە.

زانیاریی زیاتر: دۆسکی وتیشی، ژمارەیەک لە وێستگە ناوخۆییەکان وەگەڕخراون بۆ دابینکردنی کارەبا، هەزار و 500 میگاوات کارەبا لەبەردەستە و بەشێوەیەکی دادپەروەرانە بەسەر شارەکانی هەرێمی کوردستان دابەش دەکرێت.

ڕاگەیێنراوی فەرمی: لە ڕاگەیێنراوێکدا، وەزارەتی کارەبا سوپاسی یەکە بە یەکەی هاووڵاتیانی هەرێمی کوردستان دەکات لە بەرامبەر ئارامی و خۆڕاگریان لەم کاتە سەختەدا. دەڵێت، ئەمە هێرشێکی تیرۆریستی بوو دژی هاووڵاتیانی هەرێمی کوردستان ئەنجامدرا و هەموو لایەک دڵنیا دەکەینەوە کە وەزارەتی کارەبا، شانبەشانی هەریەک لە وەزارەتی سامانە سرووشتییەکان و هێزە ئەمنییەکان و دانا غاز هەوڵەکانیان چڕکردووەتەوە بۆ ئەوەی ئاستی بەرهەمهێنان ئاسایی ببێتەوە و بەزووترین کاتیش کارەبا بگەڕێتەوە نێو سەرجەم ماڵ و فرۆشتگا و کارگەکان، چونکە گەورەترین ئامانجمان سەلامەتی و ئاسوودەیی هاووڵاتیانی خۆمانە. لە حاڵەتی هەبوونی هەر پێشهاتێکی نوێش، بەزووترین کات ئاگادارتان دەکەینەوە.