30 هەزار ڕۆبۆت خانەنشین دەکرێن و دەنێررێنەوە ماڵەوە

ئاڤا نیوز

 

دوای نزیکەی یەک ساڵ لە کارکردنی بێناوبڕ بۆ بەرهەمهێنانی ئۆتۆمبێلەکانی بی ئێم دەبڵیوو، 30 هەزار ڕۆبۆت بە فەرمی خانەنشین دەکرێن و دەنێررێنەوە بۆ ماڵەوە.

 

چیرۆکی سەرەکی: کۆمپانیای (فیگور ئەی ئای) کە کۆمپانیایەکی ئەمەریکییە بۆ بەرهەمهێنانی ڕۆبۆت ئاماژە بەوە دەدات ئەم 30 هەزار ڕۆبۆتە خانەنشین دەکات کە لە ماوەی 11 مانگدا ڕۆڵی سەرەکییان هەبووە لە بەرهەمهێنانی زیاتر لە 30 هەزار ئۆتۆمبێلی کۆمپانیای بی ئێم دەبڵیوو.

 

کۆمپانیاکە ئاماژەی بەوە داوە لە شەش مانگی یەکەمدا ڕۆبۆتەکان بە تەواوی لەگەڵ شێوازی کارکردنەکە گونجێنراون. 

 

زانیاریی زیاتر: لە ماوەی ئەم 11 مانگەدا ڕۆبۆتەکان بەبێ ناوبڕ سەرجەم کارە قورس و سەختەکانیان ئەنجام داوە، شوێنەواری ئەم ماندووبوونەش بە ڕۆبۆتەکانەوە دیارە و بەم هۆیەوە پەلەکانیان ڕووشاون، سوواون و پیس بوون.

 

لە قۆناغی تاقیکردنەوە، ڕۆبۆتەکان زیاتر لە هەزار و 250 سەعات کاریان کردووە، یەک ملیۆن و 200 هەنگاویان ناوە و نزیکەی 320 کیلۆمەتریان بڕیووە. 

 

ئەمەش بزانە: لە ڕۆژانی کاردا هەریەک لەو ڕۆبۆتانە 10 كاتژمێر کاریان کردووە و سەرجەم کارەکانی وەک لێکردنەوە و گواستنەوەی توخمە پێویستەکان و جێگیرکردن و بەستنەوەی پارچە و بەشەکانی ئۆتۆمبێلەکانیشیان ئەنجام داوە.