بەهۆی پیسبوونی هەوا قوتابخانەکانی تاران و چەند دیکەی شارێکی ئێران دادەخرێن

ئاڤا نیوز

 

بەهۆی شەپۆلی بەردەوامی پیسبوونی هەوا لە چەندین شاری ئێران، دەرگای قوتابخانە و زانکۆکان لە ژمارەیەک لە پارێزگاکانی ئەو وڵاتە داخران.

 

چیرۆکی سەرەکی: بەپێی میدیا ئێرانییەکان، لیژنەی فریاگوزاریی پیسبوونی هەوای تاران ئاشکرای کرد، قوتابخانە و زانکۆکانی پایتەخت سبەینێ دادەخرێن، بەڵام ئەم بڕیارە شارەکانی مەلارد، شەهریار، قودس، روبات کەریم، فیروزکۆ، دەماوەند و پەردیس ناگرێتەوە.

 

لێدوانی فەرمی: جێگری پارێزگاری ئەردەوێڵ پشووی فەرمی لە قوتابخانە و زانکۆکانی ئەو پارێزگایە ڕاگەیاند،  هەروەها لە تەوڕێز و چەند شارێکی پارێزگای ئازەربایجانی ڕۆژهەڵاتی ئێران ئەمڕۆ شەممە کرایە پشووی فەرمی.

 

لەلایەکی دیکەوە: بەڕێوەبەرایەتیی وەرزش و لاوانی پارێزگای هورموزگان ڕایگەیاند، بەهۆی پیسبوونی ژینگە و هەواوە، سەرجەم دامەزراوە وەرزشییە حکومی و تایبەتەکان تا ڕۆژی یەکشەممە 30ـی نۆڤەمبەر دادەخرێن.