نوێنەری سووریا لە نەتەوەیەکگرتووەکان: وەڵامی هێرشەکەی ئیسرائیل دەدەینەوە

ئاڤا نیوز

نوێنەری هەمیشەیی سووریا لە نەتەوەیەکگرتووەکان، سەرکۆنەی هێرشی ئیسرائیل بۆ سەر شارۆچکەی (بێت جین) لە دیمەشق دەکات و ئاماژە بەوەدەدات، ئێستا وەڵامی سەربازیی ئیسرائیل نادەنەوە بۆ پاراستنی دەسکەوتەکانیان لە پەیوەندییە نێودەوڵەتییەکاندا.

 

چیرۆکی سەرەکی: بەرەبەیانی ڕۆژی هەینی، سوپای ئیسرائیل هێرشێکی ئاسمانیی کردە سەر شارۆچکەی بێت جین لە دەورووبەری دیمەشق، بەهۆیەوە ژمارەیەک کەس کوژران و براینداربوون.

 

بڵاوکراوەی فەرمی: بەگوێرەی ئاژانسی هەواڵی سووریا (سانا)، ئیبراهیم عولەبی، نوێنەری هەمیشەیی سووریا لە نەتەوەیەکگرتووەکان ڕوونی کردەوە کە سووریا بە شێوازی نێودەوڵەتی وەڵامی تەلئەبیب دەداتەوە.

 

لەهەمان کاتدا: عولەبی جەختی کردەوە کە سووریا "ناچێتە ژێر کاریگەریی دەستدرێژییەکانی ئیسرائیل، بەڵکو بە ڕێگەی نێودەوڵەتی وەڵام دەداتەوە". هەروەها ئاشکرای کرد کە لە لەگەڵ ژمارەیەک ئەندامی ئەنجوومەنی ئاسایش قسەی کردووە سەبارەت بە هێرشەکەی سەر بێت جین.

 

بە تەنیشت ئەو بابەتەوە: وەزارەتی دەرەوەی سووریا سەرکۆنەی هێرشی ئیسرائیلی بۆ سەر بێت جین کرد و بە "تاوانی جەنگ" ناوی برد و داوای لە ئەنجوومەنی ئاسایش و نەتەوەیەکگرتووەکان و کۆمکاری عەرەبی کرد "بەپەلە هەنگاو بنێن" بۆ کۆتاییهێنان بەو هێرشانە.

 

زیانە سەرەکییەکان: لە پێکدادانەکانی بێت جین، 15 کەس کوژران کە 7یان هاووڵاتی سڤیل بوون، جگە لە برینداربوونی 6 سەربازی ئیسرائیلی.