میسر دژی دابەشکردنی کەرتی غەززەیە و داوای بڵاوکردنەوەی هێزی نێودەوڵەتی دەکات

ئاڤا نیوز

میسر جارێکی دیکە هەڵوێستی توندی خۆی بۆ هەر هەوڵێک کە ئامانج لێی دابەشکردنی کەرتی غەززە بێت، دووپات دەکاتەوە، هاوکات ئیدانەی پەرەسەندنی گرژییەکان و فراوانکردنی چالاکیی ئۆردوگا جوونشینەکان لە کەناری خۆرئاوای زیففە دەکات.

 

ڕاگەیێنراوی فەرمی: بەپێی ڕاگەیەندراوێکی وەزارەتی دەرەوەی میسر، بەدر عەبدولعاتی، وەزیری دەرەوەی ئەو وڵاتە، لە میانی بەشداریکردنی لە کۆڕبەندێکی هەرێمیی یەکێتیی ئەوروپا ڕایگەیاند: پێشێلکارییەکانی ئیسرائیل و پەرەسەندنی گرژییەکان لە فەڵەستیندا لادانە لە بڕیار و یاسا نێودەوڵەتییەکان.

 

بۆچی گرنگە:  بەمەبەستی چاودێریکردنی ئاگربەست و ئاسانکاری بۆ گەیاندنی هاوکارییە مرۆییەکان وەزیری دەرەوەی میسر، ئاماژەی بە گرنگیی بڵاوکردنەوەی هێزی نێودەوڵەتی لە کەرتی غەززە کرد و داوای دەستپێکردنی پرۆسەی ئاوەدانکردنەوە، بە ئامانجی دامەزراندنی دەوڵەتێکی سەربەخۆی فەڵەستینی لەسەر سنوورەکانی 4چواری حوزەیرانی 1967 کرد.

 

ئەمەش بزانە: بۆ چارەسەرکردنی قەیرانی مرۆیی لە غەززە و ڕێگەدان بە تێپەڕبوونی هاوکارییەکان بەبێ کۆت و بەند، عەبدولعاتی داوای لە کۆمەڵگەی نێودەوڵەتی کرد کە بەرپرسیارێتی خۆیان لە ئەستۆ بگرن.