هەواڵی هێرشی مووشەکی بۆسەر چەند بنکەیەکی باشووری کوردستان ڕەتدەکرێتەوە

ئاڤا نیوز

دوای ئەوەی لە چەند کاتژمێری ڕابردوودا دەنگۆی ئەوە بڵاوکرایەوە، بە مووشەک و درۆن هێرش کراوەتە سەر بارەگاکانی پژاک لە باشووری کوردستان، بەڵام هێزێکی سەربازی ئێران ئەو دەنگۆیانە ڕەتدەکاتەوە. 

چیرۆکی سەرەکی: ئەمڕۆ چەند پارچە ڤیدیۆیەک لە تۆڕە کۆمەڵایەتییەکان بڵاوکرانەوە، دیمەنی هەڵدانی مووشەک دەردەکەوێت و دەوترێت ئەو مووشەکانە ئاراستەی بارەگاکانی پارتی ژیانی ئازادی کوردستان "پژاک" کراون کە باڵی سەربازی پەکەکەیە بۆ ڕۆژهەڵاتی کوردستان. گوایە بەو هۆیەوە چەند چەکدارێکی پژاک کوژراون.

ڕاگەیێنراوی فەرمی: ئاژانسی هەواڵی تەسنیمی ئێرانی لە زاری سەرچاوەیەکی سەربازی ئێران ئەمەی ڕەتکردەوەتەوە. ئەو سەرچاوەیە گوتویەتی، هیچ مووشەکێک ئاراستەی خاکی باشووری کوردستانی عێراق نەکراوە و هەموو ئەو دەنگۆیانە ڕەتدەکەنەوە. 

لەلایەکی دیکەوە: سەرچاوەیەک لە پژاک ڕایگەیاندووە، ئەو دەنگی تۆپ و مووشەکانەی لە چەند شەوی ڕابردوو بیستراون مانۆڕی سەربازی ئێران بووە و نزیکی سنوور بوون و هیچ بارەگایەکی پژاک بۆردوومان نەکراوە. 

بە تەنیشت ئەم بابەتەوە: سەرچاوەیەک لە حزبی دیموکراتی کوردستانی ئێران بە ئاڤا میدیای ڕاگەیاند، هیچ هێرشێک ئەنجام نەدراوە و ئەوەی هەبووە تەنیا تاقیکردنەوەی چەک و مانۆڕ بووە. 

 

 

‎