زیاتر لە 140 خێزان لە سنووری هەولێر نەوتی سپیان وەرگرتووە

ئاڤا نیوز

 

پرۆسەی دابەشکردنی نەوت لە سنووری ناوچە شاخاوییەکانی هەر چوار پارێزگای هەرێمی کوردستان بەردەوامە، لە سنووری هەولێر گەیشتووەتە قۆناغی کۆتایی و لەماوەی چەند ڕۆژی داهاتوو پرۆسەکە تەواو دەبێت.

 

وێنە گەورەکە: ساڵانە لەگەڵ هاتنی وەرزی سەرما و سۆڵە، حکومەتی هەرێمی کوردستان بە نرخی پاڵپشتی 200 لیتر نەوتی سپیی ماڵان بۆ هەر خێزانێک دابین دەکات و سەدان هەزار خێزان سوودمەند دەبن.

 

لێدوانی فەرمی: سالار محەممەد، لێپڕسراوی بەشی پشکنین لە بەڕێوەبەرایەتیی نەوت و کانزاکانی هەولێر بە ئاڤای گوت، "لەکۆی 37 ملیۆن لیتر نەوتی سپی کە بۆ ناوچە شاخاوییەکان و دەورووبەری هەولێر تەرخانکراوە تاوەکو ئێستا 28 ملیۆن لیتری بەسەر هاووڵاتیاندا دابەش کراوە."

 

ئەمەش بزانە: لە دەورووبەری هەولێر و سنووری ناوچە شاخاوییەکان 185 هەزار خێزان لە وەرگرتنی نەوتی سپی سوودمەند دەبن، تاوەکو ئێستا زیاتر لە 140 هەزاریان نەوتەکەیان پێدراوە.