وەزارەتی تەندروستی هەڵمەتێكی نیشتيمانی دژی سورێژە ڕاگەیاند

ئاڤا نیوز  

وەزارەتی تەندروستی حكومەتی هەرێمی كوردستان، هەڵمەتێكی نیشتیمانی فراوانی دژی نەخۆشی سوورێژە ڕاگەیاند و داوا لە هاووڵاتیان دەكات هاوكاریان بن.

وێنە گەورەكە: بۆ ڕێگری كردن لە بڵاوبوونەوەی زیاتری نەخۆشی سوورێژە وەزارەتی تەندروستی حكومەتی هەرێمی كوردستان، هەڵمەتێكی  بەرفراوانی نیشتیمانی کوتان دژی نەخۆشی سورێژە بە پێکوتەی دژەڤایرۆسی سورێژەی تێکەڵاو دەستپێدەکات.

ڕاگەیێنراوی فەرمی: وەزارەتی تەندروستی ڕایگەیاند: ئەم هەڵمەتە ماوەی دوو هەفتە دەخایەنێت لە باخچەی ساوایان و قوتابخانە سەرەتاییەكان لە ڕێگەی سێ هەزار و 280 كارمەند، نزیکەی873هەزار و 191 منداڵ بە ئامانج دەگیرێن بۆ پێدانی كوتان و هەڵمەتەكە لە 14ی نیسان دەستپێدەکات.

ئەوەی پێویستە بیزانیت: سورێژە نەخۆشییەكی ڤایرۆسی گواستراوەیە، وەزارەتی تەندروستی حكومەتی هەرێمی كوردستان لەچوارچێوەی گرتنەبەری ڕێوشوێنەكانی پاراستنی تەندروستی هاووڵاتیان و نەوەکانی ئایندە، لە سەرەتای هەفتەی داهاتوو بەهاوبەشی لەگەڵ وەزارەتی تەندروستی عێراقی فیدڕاڵ و ڕێكخراوی تەندروستی جیهانی و ڕێكخراوی یونیسێف، هەڵمەتێكی گشتگیر و فراوانی سەرتاسەری لە هەرێمی كوردستان دەستپێدەكات.