کارکردن لە جووتسایدی چۆمان- حاجی ئۆمەران دەست پێ دەکات

ئاڤا نیوز

ڕەزامەندی وەرگیراوە بۆ دەستپێکردنی کارەکانی جووتسایدی چۆمان- حاجی ئۆمەران، بڕیارە بەمزووانە کارکردن لە پڕۆژەکە دەست پێ بکات.

وێنە گەورەکە: لە کابینەی نۆیەمی حکومەتی هەرێمی کوردستان گرنگی تایبەت بە پڕۆژەکانی ڕێگاوبان دراوە، ژمارەیەک جووتسایدی نوێ و ستراتیژی دروستکراون، بڕیارە ڕێگای چۆمان- حاجی ئۆمەرانیش بەمزووانە دەستپێبکات کە درێژییەکەی 30 کیلۆمەتر دەبێت.

لێدوانی فەرمی: د. ئاگرین عەبدوڵڵا، بریکاری وەزارەتی ئاوەدانکردنەوەی حکومەتی هەرێمی کوردستان، بە ئاڤا میدیای ڕاگەیاند، پڕۆژەی ڕێگای چۆمان- حاجی ئۆمەران، ڕەزامەندی لەلایەن ئەنجوومەنی وەزیران وەرگیراوە، گوژمەکەی لە سەرووی 300 ملیار دینارە، دووبارە دیزاینی بۆ کراوە و ئاراستەی گۆڕاوە، جۆری پڕۆژەکە باشترکراوە، پێشتر دیزانێکی بۆ دانرابوو ئێستا دیزاینەکە گۆڕاوە و باشترکراوە، تیمەکان سەرقاڵی دیزاینە تازەکەن دوای تەواوبوونی، ئەگەر کەش و هەوا گونجاو بێت پڕۆژەکە دەست پێ دەکات.

زانیاریی زیاتر: ڕێگاکە لە حاجی ئۆمەرانەوە دەستپێدەکات بەرەو چۆمان دێت، لە چۆمانیش نزیکەی نۆ کیلۆمەتر تێپەڕ دەبێت، پردی مۆدێرن و ئۆڤەرپاس و تونێل و ئەندەرپاسی تازەی بۆ دروست دەکرێت.