ترەمپ سەبارەت بە گەیشتن بە ئاشتی نێوان ڕووسیا و ئۆکرانیا گەیشبینە

ئاڤا نیوز

دوای کۆبوونەوەی شاندی ئۆکرانیا و ئەمریکا بۆ گفتوگۆکردن لەسەر پلانی ترەمپ بۆ ئاشتی نێوان ڕووسیا و ئۆکرانیا، سەرۆکی ئەمریکا ئاشکرای دەکات، ئەگەری گەیشتن بە ڕێککەوتنی ئاشتی هەیە.

وێنە گەورەکە: بۆ جاری دووەم شاندی ئۆکرانیا و ئەمریکا بۆ تاوتوێ کردنی پلانی ترەمپ لە فلۆریدا کۆبوونەوە، هەر یەکە لە مارکۆ ڕۆبیۆ، وەزیری دەرەوەی ئەمریکا و ستیڤ ویتکۆف، نێردەی تایبەتی  ترەمپ لەگەڵ دانوستانکارانی ئۆکرانیا کە ڕوستێم ئومێرۆڤ، وەزیری پێشووی بەرگریی وڵاتەکە سەرۆکایەتیی شاندەکەی دەکرد، کۆبوونەوە.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، دوای دوایین دانوستانەکانی ئەمریکا و ئۆکرانیا لە فلۆریدا، چانسێکی باش هەیە بۆ گەیشتن بە ڕێککەوتن لەنێوان ڕووسیا و ئۆکرانیا، گفتوگۆی درێژ هەن و بەباشی بەڕێوەدەچن.

زانیاریی زیاتر: ئەم دانوستانانە وەک ئامادەکارییەکن بۆ سەردانی هەفتەی داهاتووی ستیڤ ویتکۆف، نێردراوی ترەمپ بۆ مۆسکۆ.

ئەوەی لەبارەیەوە دەگوترێت: لەبارەی دانوستانەکان ڕۆبیۆ وتی، پێویستە ڕێگایەک بدۆزرێتەوە کە تێدا ئۆکرانیا وەک وڵاتێکی خاوەن سەروەری، سەربەخۆ و خۆشگوزەران بمێنێتەوە، لە بەرامبەردا ئومێرۆڤ وتی، گفتوگۆکانمان لەسەر داهاتووی ئۆکرانیا کرد.