یەکێتی: لە پێکهێنانی هەردوو حکومەت مەهامێكی سەرەکیمان هەیە

ئاڤا نیوز

مەكتەبی سیاسیی یەكێتیی نیشتمانیی كوردستان كۆبووەوە و تاوتوێی پێكهێنانی هەردوو حكومەتی هەرێمی كوردستان و عێراقی كرد.

چیرۆكی سەرەكی: بەسەرپەرشتی بافڵ تاڵەبانی، سەرۆكی یەكێتیی نیشتمانیی كوردستان، ئەمڕۆ دووشەممە، 1/12/2025، كۆبوونەوەی مەكتەبی سیاسیی یەكێتیی نیشتمانیی كوردستان لە دەباشان بەڕێوەچوو.

ڕاگەیێنراوی فەرمی: بەپێی ڕاگەیێنراوێكی مەكتەبی سیاسیی یەكێتی، تەوەرە سەرەكییەكانی كۆبوونەوەكە بریتیبوون لە، پرسی هەڵبژاردنی ئەنجوومەنی نوێنەران و تێڕوانین و ستراتیژی یەكێتی بۆ پێكهێنانی هەردوو حكومەتی هەرێمی كوردستان و فیدراڵ.

زانیاریی زیاتر: بەپێی زانیارییەكان لە كۆبوونەوەكەدا جەخت لەوە كراوەتەوە كە ئامانجی یەكێتی بۆ پێكهێنانی هەردوو حكومەت خزمەتكردنی خەڵكە، هاوكات باس لەوەش كراوە كە یەكێتی لەگەڵ هاوپەیمان و لایەنە سیاسییەكان ڕۆڵی خۆی دەگێڕێت بۆ بەدیهێنانی عێراقێكی بەهێز.