هەژماری من گرفتی قەرەباڵغی بەردەم ئامێرەکانی ڕاکێشانی پارە چارەسەر دەکات

ئاڤا نیوز

لە دووەم ڕۆژی دابەشكردنی مووچە، فەرمانبەرانی هەرێمی کوردستان ڕووبەڕووی گرفت بوونەوە و هەژماری منیش لەوبارەیەوە بە ئاڤای ڕاگەیاند: گرفتەکە لە کەمی ئامێرەکانی ڕاکێشانی بانکی ئیسلامییە و مانگی داهاتوو کێشە چارەسەر دەکرێت. 

وێنە  گەورەکە: ڕۆژی یەکشەممە دەستکرا بە دابەشكردنی مووچەی مانگی نۆی فەرمانبەرانی هەرێمی کوردستان، ئەم مانگە 600 هەزار مووچەخۆر لە ڕێگەی هەژماری منەوە مووچەکانیان ڕادەکێشن.

زانیاریی زیاتر: ڕۆژی دووشەممە بەشێک لە فەرمانبەران لە شارەکانی کوردستان بەبێ جیاوازی ڕووبەڕووی گرفتبوون، بە هۆیەوە نۆرەیەکی دوورودرێژیان لەبەردەم چەند ئامێرێکی ڕاکێشانی پارە گرتبوو. 

لێدوانی فەرمی: هەژماری من بە ئاڤای ڕاگەیاند: دابەشکردنی مووچە تەنها لەڕێگەی بانکی ئیسلامی عێراقی کێشەی بۆ دروست بووە، ئەویش هۆکارەکەی کەمی جیهازەکانیانە، لە هەموو کوردستان تەنها 26 ئەی تی ئێم- جیهازی ڕاکێشانی پارەیان هەیە، بۆیە قەرەباڵغی دروست بووە یان زوو زوو پارەکە تەواو بووە.

- مانگی داهاتوو گرفتەکە چارەسەر دەکرێت و ئەو بانکە ئامێرەکانی ڕاکێشانی پارە زیاد دەکات. 

ئەوەی پێویستە بیزانیت: تاوەکو ئێستا لە سەرجەم شارەکان 505 ئامێر دانراوە و پلانی هەژماری منیش ئەوەیە ئەو ڕێژەیە بۆ نزیکە هەزار دانە بەرز بکرێتەوە.