گەنجێک لە هەولێر بەهۆی هەڵەی پزیشکییەوە چاوی ڕاستی کوێر بووە

ئاڤا نیوز

گەنجێکی سنووری هەولێر دوای ئەنجامدانی نەشتەرگەری جیوبی لووت لە نەخۆشخانەیەکی تایبەت، بە هۆی هەڵەی پزیشکی چاوێکی بە تەواوی لەدەست دەدات. 

بەدواداچوونی ئاڤا: شێرکۆ کۆردە، تەمەن 28 ساڵ، دوای ئەنجامدانی نەشتەرگەری جیوبی لووت لەلای پزیشکێک لە نەخۆشخانەیەکی تایبەتی شاری هەولێر، لە رۆژی 8ـی 11ـی 2025، تووشی هەوکردن و  سڕبوونی لای ڕاستی ڕووخساری دەبێت.

 

پاشان شێرکۆ چەند جارێک سەردانی هەمان دکتۆر دەکاتەوە و سوودی نابێت، دواتر دەچێت بۆ تاران و لەوێ پێی دەڵێن: دەماری چاوی ڕاستت لەکاتی نەشتەرگەری بڕدراوە. 

زانیاریی زیاتر:  شێرکۆ کۆردە دوای گەڕانەوەی لە تاران یەکسەر دەچێتە لای وەزارەتی تەندروستی و دەستەی مافی مرۆڤ سکاڵا لەسەر دکتۆرەکە تۆمار دەکات.

ئەوەی پێویستە بیزانیت: بەمەبەستی بەدواداچوون بۆ کێشەی ئەو گەنجە ئێستا لیژنەیەک پێکهێنراوە، دەستەی مافی مرۆڤ لەوبارەیەوە گوتی، بە هەموو شێوەیەک بەرگری لە مافی ئەو هاووڵاتییە دەکەین و نایەڵین حەقی بفەوتێت.