سەندیکای ڕۆژنامەنووسانی کوردستان هۆشداریی ئاراستەی دەزگا میدیاییەکان دەکات

 

لەبارەی گرژی و ئاڵۆزییەکانی گوندی لاجان لە هەولێر، سەندیکای ڕۆژنامەنووسانی کوردستان، بانگەوازی میدیاکان دەکات و داوا دەکات ڕووماڵی ناپێشەییانە ڕابگرن.

 

وێنە گەورەکە: ماوەی چەند ڕۆژێکە لە گوندی لاجان گرژی و ئاڵۆزی دروست بووە، بەشێک لە میدیاکان دەیانەوێت ڕووداوەکە بەلاڕێدا ببەن و بۆ مەرامی حیزبی هەلەکە بقۆزنەوە

لێدوانی فەرمی: ئازاد حەمەئەمین، سەرۆکی سەندیکای ڕۆژنامەنووسانی کوردستان، بە ئاڤای ڕاگەیاند: بانگەوازی کەناڵەکانی ڕاگەیاندن و پەیجەکان لە سۆشیاڵ میدیا دەکەین کە بە ئامانج دەیانەوێت ڕووداوەکەی گوندی لاجان بەلاڕێدا ببەن، ئاگاداریان دەکەینەوە ڕۆماڵی ناپێشەییانە ڕابگرن، لە ئەگەری بەردەوامییان و زیان گەیاندن بە ئاسایشی گشتی و کۆمەڵایەتی ڕێکاری یاسایییان بەرامبەر دەگیرێتەبەر.

 

- سەرۆکی سەندیکای ڕۆژنامەنووسانی کوردستان گوتیشی،  بە وردی چاودێری دۆخەکە دەکەین و لە ئەگەری ئاڵۆزکردنی ڕەوشەکە بەهۆی ڕووماڵی  هەر دەزگایەکی ڕاگەیاندن کە  پێچەوانەی ڕووماڵی ڕۆژنامەوانی بێت لە لایەن سەندیکی ڕۆژنامەنووسانی کوردستانەوە لە چوارچێوەی یاسا ڕێوشوێنی یاسایی بەرامبەر دەگیرێتەبەر.