ترەمپ هۆشداریی دەداتە ئیسرائیل دەستوەردان لە سووریا نەکات

ئاڤا نیوز

دۆناڵد ترەمپ، سەرۆکی ئەمریکا هۆشداریی دایە ئیسرائیل لە ناسەقامگیرکردنی سووریا و سەرکردایەتییە نوێیەکەی، ئەمەش لەکاتێکدایە کە گرژییەکان لەسەر سنووری سووریا پەرەدەسەنن.

ڕاگەیێنراوی فەرمی: دوێنێ دووشەممە، دۆناڵد ترەمپ لە پلاتفۆرمی (ترووس سۆشیاڵ) ڕایگەیاند "زۆر گرنگە ئیسرائیل گفتوگۆیەکی بەهێز و ڕاستەقینە لەگەڵ سووریادا بپارێزێت، هاوکات هیچ شتێک ڕوونادات کە ببێتە ڕێگر لەبەردەم گەشەسەندنی سووریا بۆ دەوڵەتێکی گەشەسەندوو". ئاماژەی بەوەشکرد، "زۆر ڕازییە" لە ئاستی سووریا لە سەردەمی سەرۆکەکەی ئەحمەد شەرع.

زانیاریی زیاتر: سەرۆکی ئەمریکا هەوڵ دەدات ڕێککەوتنێکی ئەمنی لە نێوان ئیسرائیل و سووریادا بەدی بێت دوای دەستبەکاربوونی شەرع. بەگوێرەی نووسینگەی بنیامین نەتنیاهۆ، سەرۆکوەزیران ئیسرائیل، ترەمپ لە پەیوەندییەکی تەلەفۆنی داوای لە ناوبراو کرد سەردانی کۆشكی سپی بکات.

ئەوەی پێویستە بیزانیت: لەنێوان سێ بۆ حەوتی ئەم مانگە، شاندێکی نوێنەرانی وڵاتانی ئەندامی ئەنجومەنی ئاسایشی نێودەوڵەتی سەردانی هەردوو وڵاتی سووریا و لوبنان دەەن، ئەمەش بە یەکەم هەنگاو لەو جۆرە وەسف دەکرێت لە دوای پێکهێنانی حکوومەتی نویی سووریا.