باخچەلی: پرۆسەی ئاشتیی هەر دەبێت بگاتە ئەنجام و پاشەکشێی لێ ناکرێت

ئاڤا نیوز

سەرۆکی گشتیی مەهەپە بە جەخت کردنەوە لەوەی لە سەرخستنی پرۆسەی ئاشتیدا دوودڵ و ڕاڕا نین و ئەمە ئامانجی نیشتمانی و مێژوویی تورکیایە، دەڵێت: پرۆسەکە هەر دەبێت بگاتە ئەنجام و پاشەکشێی لێ ناکرێت.

بڵاوکراوەی فەرمی: لە میانی چاوپێکەوتن لەگەڵ ڕۆژنامەی تورکگوین کە زمانحاڵی مەهەپەیە و ئەمڕۆ 2-12-2025 بڵاو کراوەتەوە، دەوڵەت باخچەلی، سەرۆکی گشتیی مەهەپە لەبارەی دوایین پێشهاتەکانی پەیوەندیدار بە پرۆسەی ئاشتییەوە دواوە.

بە تەنیشت ئەم بابەتەوە: باخچەلی وەڵامی ئەو دەنگۆیەی دایەوە بە ناوی عەبدوڵڵا ئۆجەلانەوە بڵاو کراوەتەوە کە گوایە "ئەگەر پرۆسەی ئاشتی نەگاتە ئەنجام، لە ناوخۆی مەهەپە کودەتا بەسەر باخچەلیدا دەکرێت".

باخچەلی ئەم دەنگۆیە بە قسەی بێبنەما و دوور لە ڕاستی دەزانێت و دەڵێت: ئەم جۆرە قسە هەڵبەستراوانە ئێمە پاشگەز ناکاتەوە  و لە ڕێگای خۆمان نامانگەڕێنێتەوە.

 پێویستە ئەمەش بزانیت: باخچەلی بە توندی وەڵامی قسەکانی بەسێ هۆزات، هاوسەرۆکی گشتی کەجەکەی دایەوە کە ڕایگەیاندبوو نایانەوێت تورکیا لێبوردن بۆ پەکەکە دەر بکات، بڕیاری لێبوردن بۆ کەسێک دەردەچێت کە تاوانی کردبێت، ئەوان هیچ تاوانێکیان نەکردووە.

باخچەلی بە ئاماژەدان بەوەی هیچ کەسێک بەڵێنی بە پەکەکە نەداوە کە بڕیاری لێبوردنیان بۆ دەردەکرێت و ئەو ڕێکخراوەش بەوە تۆمەتبار دەکات کە گوایە "تاوانیان" کردووە.