جێگری وەزیری دەرەوەی ئەمریکا سەردانی هەولێر دەکات

ئاڤا نیوز
 
جێگری وەزیری دەرەوەی ئەمریکا بۆ کاروباری بەڕێوەبردن و سەرچاوەکان، گەشتێکی بۆ ڕۆژهەڵاتی ناوەڕاست دەستپێکردووە، دوای ئەوەی سەردانی تورکیای کرد لە ئیستەنبووڵەوە گەیشتە عێراق و دوای کۆبوونەوەی لەگەڵ بەرپرسانی باڵای عێراق، وا بڕیارە سەردانی هەرێمی کوردستانیش بکات.

ڕاگەیێنراوی فەرمی: وەزارەتی دەرەوەی ئەمریکا ڕایگەیاند، سەردانەکەی مایکڵ ڕیگاس، جێگری وەزیری دەرەوەی ئەمریکا جەختکردنەوەی ئەمریکایە بە پابەندییەوە بۆ باشترکردنی سەقامگیری، ئاسایش، ئازادیی ئایینی و گەشەکردوویی ناوچەکە.

زانیاریی پەیامنێر: کوردستان حەسەن، پەیامنێری دیپلۆماسی ئاڤا ڕیگەیاند: بڕیارە ماکڵ ڕیگاس، جێگری وەزیری دەروەی ئەمریکا لە هەولێر، بەشداری ڕێوڕەسمی کردنەوەی گەورەترین باڵەخانەی نوێی کۆنسوڵخانەی ئەمریکا بکات و پاشان لەگەڵ سەرۆکوەزیران مەسرور بارزانی کۆببێتەوە.

- هەر بە گوێرەی ئەو زانیارییانەی دەست پەیامنێری ئاڤا کەوتووە، لە دیدارەکەدا باس لە پەیوەندییە سیاسی، ئابوری و بازرگانییەکانی نێوان هەرێمی کوردستان و ئەمریکا دەکرێت، ئەگەری زۆرە باس لە گرنگی زوو پێکهێنانی حکومەتی نوێی هەرێمی کوردستان و کێشەکانی نێوان هەولێر و بەغداش بکرێت.
 
باکگراوند: سبەی سێشەممە، لە هەولێر لەسەر ڕێگای سەرەکی هەولیر پیرمام، لە ڕێوڕسمی تایبەتدا بە ئامادەبوونی ماکڵ ڕیگاس، جێگری وەزیری دەروەی ئەمریکا و بەرپرسانی باڵای هەرێمی کوردستان گەورەترین باڵەخانەی نوێی کۆنسوڵخانەی ئەمریکا بکرێتەوە.