دانەغاز وەڵامی ڕاپۆرتێکی ئەلمۆنیتەر دەداتەوە دەربارەی کێڵگەی کۆرمۆر

ئاڤا نیوز

دانەغاز و هاوبەشەکانی لە ڕاگەیێنراوێکی هاوبەشدا وەڵامی ڕاپۆرتێکی ڕۆژنامەی "ئەلمۆنیتۆر"ی ئەمریکی دەدەنەوە دەربارەی هێرشەکەی سەر کۆرمۆر و داواکاری سوودانی بۆ ڕاگرتنی بەرهەمهێنانی غاز. 

چیرۆکی سەرەکی: دوای هێرشکردنە سەر کێڵگەی کۆرمۆر و بەفەرمانی محەممەد شیاع سوودانی، سەرۆکوەزیرانی عێراق لیژنەیەکی لێکۆڵینەوەی باڵای پێکهێنرا، "ئەلمۆنیەر" لە یەکی ئەم مانگە لەسەر زاری سەرچاوە ئاگادارەکانەوە ڕاگەیاندووە، سوودانی فەرمانی بە کۆمپانیای دانەغاز کردووە کە تا کاتی تەواوبوونی کارەکانی لیژنەکە، بەرهەمهێنانی غاز ڕابگرن.

ڕاگەیێنراوی فەرمی: دانەغاز لە ڕاگەیێنراوێکدا بڵاوی کردوەوە: ڕاپۆرتەکەی ئەلمۆنیتەر بانگەشەی نادروستی تێدابوو دەربارەی دەستپێکردنەوەی کارەکانی دامەزراوەی غازیی کۆرمۆر، زانیارییەکانی ناڕاستن و هیچ بنەمایەکی نییە. 

هەر لە ڕاگەیێنراوەکە هاتووە: محەممەد شیاع سوودانی، سەرۆکوەزیرانی عێراق بەڕوونی جەختی لە گرنگی خێراکردنی دەستپێکردنەوەی بەرهەمهێنانی غاز کردووەتەوە، لەگەڵ تەواوبوونی سەرجەم هەڵسەنگاندنە تەکنیکییە پێویستەکان و ڕێکارەکانی سەلامەتی دەستبەجێ کارەکانیان دەستپێکردووەتەوە.

زانیاریی زیاتر: لە ڕاگەیێنراوەکەدا هاتووە، "داناغاز و هاوبەشەکانی وەڵامدانەوەی خێرای سەرۆکوەزیران و حکومەتی عێراق و پشتگیری بەردەوامیان لە بابەتە ئەمنییەکان و سەردانی دەستبەجێی بەرپرسانی باڵای فیدراڵی بۆ شوێنی کۆرمۆر و پابەندبوونی حکومەت بە دەرکردنی بەپەلەی ڕاپۆرتی لێکۆڵینەوە و بەدواداچوونی پێویست بەرز دەنرخێنن".