پووتین بۆ ئەوروپا: ئامادەین بۆ جەنگ

ئاڤا نیوز

ڤلادیمێر پووتین، سەرۆکی ڕووسیا ئامادەیی وڵاتەکەی بۆ جەنگ دژی ئەوروپا ڕادەگەیێنێت و دەڵێت، ئەگەر ئەوروپا ئەوەی [جەنگ] دەوێت ئێمە هەر ئێستا ئامادەین.

وێنە گەورەکە: ئەم لێدوانانەی پووتین لە کاتێکدایە کە ستیڤ ویتکۆف، نێردەی تایبەتی ئەمریکا و جارێد کوشنەر، زاوا و ڕاوێژکاری دۆناڵد ترەمپ لە مۆسکۆن بۆ ئەنجامدانی گفتوگۆی چارەنووسساز سەبارەت بە کۆتاییهێنان بەو جەنگەی کە نزیکەی چوار ساڵە بەردەوامە.

 

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، ئێمە پلانی ئەوەمان نییە بچینە جەنگەوە لەگەڵ ئەوروپا، بەڵام ئەگەر ئەوروپا ئەوەی دەوێت و جەنگ دەست پێ بکات، ئێمە هەر ئێستا ئامادەین.

 

سەرۆکی ڕووسیا ئاماژەی بەوەش کرد، سەرکردەکانی ئەوروپا ڕێگرن لەبەردەم هەوڵەکانی ئەمریکا بۆ نێوەندگیریی ئاشتی لە ئۆکرانیا و وتی، ئەوان هیچ ئەجێندایەکی ئاشتییانەیان نییە و لە بەرەی جەنگدان.