دانە غاز: بەرهەمهێنانی غاز لە کێڵگەی کۆرمۆر ئاسایی بووەوە

ئاڤا نیوز

 

کۆمپانیای دانەغازی ئیماراتی ڕایگەیاند، دوای هەفتەیەک لە هێرشکردنەسەری و دواتریش بەهێزکردنی ڕێکارە ئەمنییەکان لەلایەن حکومەتی کوردستان و عێراقەوە، ئێستا بەرهەمهێنانی غاز لە کێڵگەی کۆرمۆر ئاسایی بووەتەوە و بۆ دۆخی سرووشتی خۆی گەڕاوەتەوە.

 

چیرۆکی سەرەکی: چوارشەممەی ڕابردوو هێرشکرایە سەر کێڵگەی غازی کۆرمۆر لە سنووری قەزای چەمچەماڵ و لە ئەنجامدا ئاگرێکی گەورە لە کۆگایەکی غاز کەوتەوە، هێرشەکە هەرچەندە زیانی گیانی نەبوو، بەڵام بەهۆیەوە بەرهەمهێنانی کارەبای هەرێمی کوردستان بۆ ماوەی چەند ڕۆژێک بەڕێژەی 80% بووەوە.

 

ڕاگەیێنراوی فەرمی: کۆمپانیای دانە غاز ئەمڕۆ چوارشەممە لە ڕاگەیێنراوێکدا کە لە ماڵپەڕی ئەبوزەبی بۆ كاغەزە داراییەکان بڵاوی کردووەتەوە، ئاماژەی بەوەشكردووە، پرۆسەی بەرهەمهێنان لە کێڵگەی غازی کۆرمۆر لە هەرێمی کوردستان بۆ دۆخی ئاسایی و سرووشتی خۆی گەڕایەوە دوای ئەوەی ڕۆژی چوارشەممەی ڕابردوو بە ئامانج گیرا، دەستپێکردنەوەی بەرهەمهێنانیش دوای بەهێزکردنی ڕێکارە ئەمنییەکان بوو لەلایەن حکومەتی هەرێمی کوردستان و حکومەتی عێراق، لەم بوارەشدا سوپاسی هەردوو حکومەت دەکەن.

 

دەشڵێت، کۆمپانیای دانەغاز و هاوبەشەکانی جەخت لە پابەندی خۆیان بە پاراستنی سەلامەتی فەرمانبەر و دامەزراوەکانیان دەکەنەوە، هاوکات پشتیوانی دابینکردنی غازی شلیش بۆ هاووڵاتیانی هەرێمی کوردستان و عێراق دەکەن.