هەڵوێستی قەتەر بۆ جێبەجێکردنی قۆناغی دووەمی ئاگربەستی غەززە ئاشکرا دەبێت

ئاڤا نیوز

لەبارەی دەستپێکردنی قۆناغی دووەمی ئاگربەستی غەززە، قەتەر کە نێوەندگیریی دانوستانەکان دەکات هیوادارە لایەنی ئیسرائیل و حەماس بگەیەنرێنە قۆناغێکی نوێی دانوستانەکان بۆ بەردەوامدان بە ڕێککەوتنی ئاشتی.

 

وێنە گەورەکە: سەرەڕای ئەو ئاگربەستەی کە ئەمریکا لە غەززە ڕاگەیاندووە بەڵام ئاگربەستەکە لە قۆناغێکی لەرزۆکدایە و تاوەکو ئێستا هەردوو لایەنی ئیسرائیل و حەماس یەکتری بەپێشێلکردنی ئاگربەستەکە تۆمەتبار دەکەن هەر بۆیەش تاوەکو ئێستا کار لەسەر قۆناغی دووەمی ئاگربەستەکە نەکراوە.

 

لێدوانی فەرمی: ماجد ئەنساری، وتەبێژی وەزارەتی دەرەوەی قەتەر ڕایگەیاند، ئێمە پێمان وایە کە دەبێ زۆر بە زوویی فشار لە لایەنەکان بکەین بۆ قۆناغی دووەمی ئاگربەستی غەززە.

 

زانیاریی زیاتر: ئەنساری دەشڵێت، قۆناغی دووەم ئەو پرسانە دەگرێتەوە کە دۆخەکەیان ئێستا ئاڵۆزتر کردووە، بۆیە بە بەردەوامی کار دەکەین بۆ چاودێریکردنی ئەم پێشێلکارییانە بۆ دڵنیابوون لەوەی ئاگربەستی ئێستا نەڕووخێت.