سەدان حەوزی ماسی پڕ دەکرێنەوە: بەشێکیان بە زیادەڕەوی دروست کراون

ئاڤا نیوز

ڕۆژی سێشەممە، فەرماندەیی ئۆپەراسیۆنەکانی بەغدا ڕایگەیاند، لە ماوەی سێ مانگی ڕابردوودا زیاتر لە هەزار و 300 حەوزی ماسی بێ مۆڵەتیان پڕکردووەتەوە و 286 سەرچاوەی ئاوی نایاسایییان لابردووە.

 

وێنە گەورەکە: بەهۆی گۆڕانکارییەکانی ئاو و هەوا، لە تەواوی عێراق ئاستی ئاوی ژێرزەوی دابەزیوە و حکومەت بریاریداوە ڕێکاری پێویست دژی حەوزە ئاوییە کشتوکاڵییەکان ئەوانەی بە زیادەڕەوی دروستکراون، بگرێتەبەر.

 

ڕاگەیێنراوی فەرمی: فەرماندەییەکە ڕایگەیاند، بەگوێرەی ئاماری لابردنی دەستدرێژی بۆ سەر ڕووبارەکانی ئاودێری و ڕێژەی ئاوی تەرخانکراو بۆ ئاودێریی بەروبوومەکان، لە ماوەی 15ی ئاب تا 30ی تشرینی دووەمی 2025، هەزار و 310 حەوزی ماسی بێ مۆڵەت پڕکراونەتەوە، جگە لە لابردنی 286 سەرچاوەی ئاویی بێ مۆڵەت."

 

زانیاریی زیاتر: ساڵی ڕابردوو، وەزارەتی سەرچاوەکانی ئاو عێراق، بڕیاریدا ئەو حەوزانەی بێ مۆڵەتن و ئەوانەی لە ئاوی ئاوەڕۆی ڕووبارەکان ئاوی حەوزەکانیان دابین دەکەن، پڕ بکاتەوە.