نێچیرڤان بارزانی و جێگری وەزیری دەرەوەی ئەمریکا کۆبوونەوە

ئاڤا نیوز

 

نێچیرڤان بارزانی، سەرۆکی هەرێمی کوردستان لە هەولێر پێشوازیی له‌  مایکڵ ڕیگاس جێگری وه‌زیری ده‌ره‌وه‌ی ئه‌مه‌ریکا کرد.

 

چیرۆکی سەرەکی: لە چوارچێوەی سەردانەکەی بۆ عێراق و هەرێمی کوردستان، مایکل ڕیگه‌س، جێگری وه‌زیری ده‌ره‌وه‌ی ئه‌مه‌ریکا گەیشتە شاری هەولێر، لە سەردانەکەی بۆ هەرێمی کوردستان لەگەڵ بەرپرسانی باڵای هەرێمی کوردستان کۆدەبێتەوە و بەشداری لە کردنەوەی کونسوڵخانەی نوێی ئەمریکا لە هەولێر دەکات.

 

ڕاگەیێنراوی فەرمی: بەپێی ڕاگەیێنراوی سەرۆكایەتیی هەرێمی كوردستان، ئەمڕۆ چوارشەممە، لە شاری هەولێر، نێچیرڤان بارزانی، سەرۆکی هەرێمی کوردستان، پێشوازیی له‌  مایکڵ ڕیگاس، جێگری وه‌زیری ده‌ره‌وه‌ی ئه‌مه‌ریکا کرد.

 

ئەوەی پێویستە بیزانیت: وابڕیارە ئەمڕۆ چوارشەممە، 3-12-2025، بە ئامادەبوونی مایکڵ ڕیگاس, جێگری وه‌زیری ده‌ره‌وه‌ی ئه‌مه‌ریکا و بەرپرسانی باڵای هەرێمی کوردستان، ئەمریکا گەورەترین کونسوڵخانەی خۆی لەسەر ئاستی جیهان، لە شاری هەولێر دەکاتەوە.