ئاسیا؛ بەهۆی لافاوەوە زیاتر لە 1400 کەس گیانی لەدەستداوە

ئاڤا نیوز

 

ژمارەی گیانلەدەستدان بەهۆی لافاوەکەی باشووری ڕۆژهەڵاتی ئاسیا زیاتر بەرزبووەتەوە و هێشتاش بەسەدان کەس بێسەروشوێنن. بەگوێرەی زانیارییەکان تاوەکو ئێستا زیاتر لە 1400کەس لە وڵاتانی ئەندەنوسیا و تایلەند و سریلانکا و گیانیان لەدەستداوە. 

 

چیرۆکی سەرەکی: بەهۆی بارانبارینی بەخۆڕ کارەساتی گەورەی سرووشتی لە وڵاتانی ئەندەنوسیا، سریلانکا، تایلاند مالیزیا کە دەکەونە باشووری ڕۆژهەڵاتی ئاسیا ڕوویداوە و بەهۆیەوە زیاتر لە هەزار کەس گیانیان لەدەست داوە.

 

ژمارەکان وادەڵێن: لە ئەنجامی ئەو لافاوەی ئەو وڵاتانەی گرتووەتەوە ژمارەی ئەوانەی گیانیان لەدەستداوە و ئەوانەشی بێسەروشوێن بوون بەمشێوەیە:

-ئەندەنوسیا؛ 755 کەس گیانی لەدەستداوە و 650 کەسی دیکەش بێسەروشوێن بوون.

-سریلانکا: 474 کەس گیانی لەدەستداوە
-تایلەند؛ 185 کەس گیانی لەدەستداوە
-مالیزیا؛ سێ کەس گیانی لەدەستداوە

 

ئەوەی پێویستە بیزانیت: گۆڕانی کەشوهەوا لەو بەشەی ئاسیا کاریگەری کردووەتە سەر دروستبوونی بارانبارینی بەخوڕتر، لافاوی لەناکاو و بای بەهێز.