ترەمپ لەبارەی غەززەوە پێشهاتێکی نوێی ئاشکرا دەکات

ئاڤا نیوز

سەرۆکی ئەمریکا دەڵێت، قۆناغی دووەمی پلانی ئاشتی غەززە بەمزووانە دەستپێدەکات، ئێستا لە ڕۆژهەەڵاتی ناوەڕاست ئاشتی هەیە، بەڵام ئەوان هەستی پێناکەن.

وێنە گەورەکە: لەکاتێکدا نیگەرانییەکان لە زیادبووندایە لەبارەی خاوبوونەوەی جێبەجێکردنی پلانی ئاشتی غەززە، سەرۆکی ئەمریکا ئاشکرای دەکات قۆناغی داهاتووی غەززە بەمزووانە دەستپێدەکات.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، قۆناغی داهاتووی پلانی ئاشتی غەززە بەمزووانە ڕوودەدات، لە ئێستادا لە ڕۆژهەڵاتی ناوەڕاست ئاشتی هەیە، بەڵام ئەوان هەستی پێناکەن.

زانیاریی زیاتر: قەتەر کە نێوەندگیری ئاگربەستی غەززە دەکات ڕاگەیاندووە، پێویستە زۆر بە زوویی گوشار لە هەریەکە لە ئیسرائیل و حەماس بکەین بۆ دەستپێکردن و جێبەجێکردنی قۆناغی دووەمی ئاگربەستی غەززە.

باکگراوند: لە کۆتاییەکانی مانگی ئەیلوولی ئەمساڵ، ئەمریکا پلانێکی 20 خاڵی بۆ غەززە خستەڕوو هەر یەکە لە بزووتنەوەی حەماس و ئیسرائیل ڕەزاەمەندییان دەربڕی بەهۆیەوە کۆتایی بەشەڕی دووساڵەی کەرتی غەززە هات، بەڵام سەرەڕای ئاگربەست دۆخی مرۆیی کەرتەکە خراپە و هێرشەکانی ئیسرائیلیش بەردەوامن.