پەیامێک لە زێرەڤانییەوە لەبارەی شەهیدبوونی پێشمەرگەیەک لە ئاڵۆزییەکانی لاجان

ئاڤا نیوز

فەرماندەیی پێشمەرگەی زێرەڤانی لە ڕاگەیێنراوێكدا ئاشكرای دەكات كە پێشمەرگەیەكی فەرماندەییەكە لە گرژییەكانی گوندی لاجان بریندار بووە، دوای چەند ڕۆژێك مانەوەی لە نەخۆشخانە، بەرەبەیانی ئەمڕۆ گیانی لەدەست داوە.

ڕاگەیێنراوی فەرمی: فەرماندەیی پێشمەرگەی زێرەڤانی، ڕایگەیاند، ژمارەیەک ئاژاوەگێڕ لە گوندی لاجان و قەزای خەباتی پارێزگای هەولێر، هەوڵیان دا پەلاماری دەزگا حکومی و فەرمانگە خزمەتگوزارییەکان و پاڵاوگەی نەوت بدەن و بەو هۆیەوە تەقەکردن ڕوویدا و لە ئەنجامدا هاووڵاتییەک شەهید بوو هاوکات پێشمەرگەیەکمان بە ناوی ئارمان سەنار ڕەشید، بریندار بوو، بەداخەوە بەرەبەیانی ئەمڕۆ پێنجشەممە، بەهۆی سەختی برینەکەیەوە شەهید بوو.

چی ڕوویدا: ڕۆژی شەممە 29-11-2025  چەند کەسێک  لە گوندی لاجانی قەزای خەباتی پارێزگای هەولێر هەوڵیاندا هەڵبکوتنە سەر پاڵاوگەیەکی سووتەمەنی لە ناوچەكە، بەهۆیەوە گرژی و ئاڵۆزی لەنێوان ئەو كەسانە و هێزە ئەمنییەكان دروست بوو، پاشان لیژنەیەکی ئەمنی لە پارێزگای هەولێر پێکهات و توانرا دۆخەکە ئارام بکرێتەوە و لەسەر ڕووداوەکە چەند تۆمەتباریک دەستگیرکران.