نرخی بەنزین هەرزان دەبێت

ئاڤا نیوز

 

دوای ئەوەی لە هەفتەی ڕابردوو، نرخی بەنزین لە هەولێر دابەزی، ئەمڕۆ پێنجشەممەش نرخی بەنزین لە سلێمانیش دابەزی.

 

وێنە گەورەکە: لە ماوەی ڕابردوودا، بەشێوەیەکی لەناکاو نرخی بەنزین بەرزبووەوە، بەڵام نزیکەی هەفتەیەکە نرخی بەنزین ڕووی لە دابەزین کردووە.

 

لێدوانی فەرمی: بەهمەن قادر، وتەبێژی بەنزینخانەکانی سلێمانی، بە ئاڤای میدیای گوت: لە ئەمڕۆوە نرخی بەنزینی بازرگانی لە تەواوی بەنزینخانەکانی سلێمانی هەر لیترێکی بەنزین 25 دینار دابەزیوە، و لیترێک بەنزینی نۆرماڵ بووەتە 875 دینار.

 

لە لایەکی دیکەوە: سیروان عەبدوڵڵا، سەرۆکی لیژنەی باڵای بەنزینخانەکانی هەولێر بە ئاڤا میدیای گوت: لە هەفتەی ڕابردوەوە هەر لیترێک بەنزینی نۆرماڵ 50 دینار دابەزیوە و لیترێک بەنزینی نۆرماڵ ئێستا بووەتە 850 دینار.

 

هۆکارە زانراوەکان: دابەزینی نرخی بەنزین دەگەڕێتەوە بۆ زۆربوونی بەنزین لە هەرێمی کوردستان، ئەمەش وای کردووە خواست کەم ببێتەوە و کاریگەری لەسەر دابەزینی نرخەکەی دروست بکات.

 

بە تەنیشت ئەم بابەتەوە: سالار محەممەد، لێپرسراوی بەشی پشکنین لە بەڕێوەبەرایەتیی نەوت و کانزاکانی هەولێر بە ئاڤای گوت: بەردەوام چاودێریی بەنزینخانەکان دەکەین و هەموو ڕۆژێک پشکنین بۆ 40 بەنزینخانە دەکەین، بەهیچ جۆرێک ڕێگەنادەین بەنزینی کوالێتیی خراپ بە هاونیشتمانیان بفرۆشرێت، هەر بەنزینخانەیەکیش سەرپێچی بکات، بێگومان سزا دەدرێت.