بارەگای بارزانی: تێكدان و شێواندنی گۆڕی كریستیانەكان نامۆیە بە كۆمەڵگەی كوردستانی

ئاڤا نیوز

 

بارەگای بارزانی، تێكدان و شێواندنی قەبر و كێلی گۆڕستانی كریستیانەكان لە هەرمۆتە، بە كردەوەیەكی ناڕەوا و نامۆ بە كۆمەڵگەی كوردستانی، وەسف دەكات و داوای دۆزینەوە و بەسزاگەیاندنی ئەنجامدەرانی دەكات.

 

چیرۆکی سەرەکی: شەوی ڕابردوو لە گۆڕستانی هەرمۆتە لە دەشتی کۆیە، کێلی چەند گۆڕێکی کریستیانەکان لەلایەن کەسانی نەناسراوە شکێنران و شێوێندران، ئەمەش کاردانەوەی بەدوای خۆیدا هێنا.

 

بڵاوكراوەی فەرمی: بارەگای بارزانی، لە ڕاگەیێنراوێكدا بە توندی ئیدانەی كردەوەی ناڕەوای تێكدان و شێواندنی قەبر و كێلی گۆڕستانی كریستیانەكان دەكات، هاوكات بە كردەوەیەكی ناڕەوا و دوور لە دابونەریت و كولتووری پێكەوەژیان و برایەتی و تەبایی گەلی كورد و نامۆ بە كۆمەڵگەی كوردستان، ناوی دەبات.

 

زانیاریی زیاتر: بارەگای بارزانی بەپێویستی دەزانێت، لایەنە پەیوەندیدارەکان بەزووترین کات ئەنجامدەرانی ئەم کارە قێزەونە بدۆزنەوە و بە سزای یاسایی خۆیان بگەیێنن.

 

لەلایەكی دیكەوە: بارەگانی بارزانی دووپاتی دەكاتەوە كە پێویستە ڕێگە لەمجۆرە کردەوانە و هەر کردەوەیەک بگیرێت کە فەرهەنگی پێکەوەژیان و ئاشتەوایی و تەبایی گەلی کوردستان دەکاتە ئامانج.