بۆ ڕیککەوتنی ئەمنی، پووتین سەردانی هیندستان دەکات

ئاڤا نیوز

ڤلادیمیر پووتین، سەرۆکی ڕووسیا، بە سەردانێکی فەرمیی گەیشتە نیودەلهی پایتەختی هیندستان و لەلایەن نارێندرا مۆدی، سەرۆکوەزیرانی هیندستانەوە پێشوازی لێکرا.

وێنە گەورەکە: سەردانەکە دوو ڕۆژ دەخایەنێت و مەبەست لێی بەهێزکردنی پەیوەندییەکانی نێوان هەر دوو وڵاتە لە بواری بەرگری. بە گوێرەی ڕاپۆرتە میدیاییەکان ڕووسیا پێشنیازی دووبارە بەرهەمهێنانەوەی هاوبەشی فڕۆکەی جۆری سوخۆی-57 دەخاتەوە بەردەم هیندستان. هەروەها ڕووسیا دابینکردنی سیستەمی بەرگریی ئێس-400 بە هیندستان زیاتر دەکات.

زانیاریی زیاتر: ئەم سەردانە لە کاتێکدایە کە ئەمریکا گوشارەکانی لەسەر هیندستان بۆ کۆتاییهێنان بە نەوتی ڕووسیا زیاتر کردووە.

ئەمەش بزانە: لەوەتەی لە شوباتی 2022ـەوە شەڕی نێوان ڕووسیا و ئۆکراینا سەریهەڵداوە، ئەمە یەکەم جارە پووتین سەردانی هیندستان بکات.