پووتین: ڕووسیا لە هەناردەی نەوت بۆ هیندستان بەردەوام دەبێت

ئاڤا نیوز

سەرەڕای گوشارەکانی ئەمریکا بۆ سەر هیندستان بۆ ڕاگرتنی هاوردەی نەوتی ڕووسیا، بەڵام ڕووسیا دەڵێت لە هەناردەکردنی نەوت بۆ ئەو وڵاتە بەردەوام دەبێت.

چیرۆکی سەرەکی: ڤلادیمێر پوتین، سەرۆکی ڕووسیا، بە سەردانێکی فەرمیی دوو ڕۆژە لە نیودەلهی پایتەختی هیندستانە.

لێدوانی فەرمی: ڤلادیمێر پوتین، سەرۆکی ڕووسیا ڕایگەیاند، وڵاتەکەی بەردەوام دەبێت لە "ناردنی بێ پچڕان"ـی سووتەمەنی بۆ هیندستان. گوتیشی، ڕووسیا دابینکەرێکی متمانەپێکراوی نەوت، گاز، خەڵووز و هەموو ئەو شتانەیە کە پێویستن بۆ پەرەپێدانی وزەی هیندستان.

لەلایەکی دیکەوە: دۆناڵد ترەمپ، سەرۆکی ئەمریکا، مانگی ئاب باجی بەڕێژەی 50% بەسەر زۆربەی بەرهەمەکانی هیندستاندا سەپاند، ئەمەش بەهۆی بەردەوامبوونی لە کڕینی نەوتی ڕووسیا.