ماکرۆن داوای یەکگرتوویی ئەوروپا و ئەمریکا دەکات

ئاڤا نیوز

ئیمانوێل ماکرۆن، سەرۆکی فەرەنسا داوای یەکڕیزی نێوان ئەوروپا و ئەمریکا دەکات و دەڵێت ئەمە بۆ هەردوولا شتێکی گرنگ و بنەڕەتییە.

لێدوانی فەرمی: ماکرۆن لە وتارێکدا لە زانکۆی سیچوان لە چین گوتی، "نابێت خۆمان بدەینە دەست هیچ دووبەرەکییەک، ئێمە پێویستمان بە ئەمریکایە بۆ ئەوەی ئاشتیمان هەبێت. ئەمریکا پێویستی بە ئێمەیە بۆ ئەوەی ئەم ئاشتییە بەهێز و بەردەوام بێت".

زانیاریی زیاتر: ماکرۆن، هەروەها داوای زیادکردنی گوشارە ئابوورییەکانی ڕووسیای کرد بەهۆی شەڕی ڕووسیا لەگەڵ ئۆکرانیا. گوتیشی یەکێتی نێوان ئەمریکییەکان و ئەوروپییەکان سەبارەت بە پرسی ئۆکرانیا زۆر گرنگە.