لە 10مانگدا عێراق گەورەترین هاوردەکاری کاڵای تورکیا بووە

ئاڤا نیوز

دەستەی ئاماری تورکیا ڕایدەگەیێنێت، عێراق لە ماوەی 10 مانگی سەرەتای ساڵی 2025ـدا لە نێو وڵاتە عەرەبییەکاندا پلەی یەکەمی گرتووە لە هاوردەکردنی کاڵای تورکی.

وێنە گەورەکە: دوای سەردانەکەی ڕەجەب تەیب ئەردۆغان، سەرۆککۆماری تورکیا بۆ عێراق لە  22ـی نیسانی 2024، لە چوارچێوەی پڕۆژەی ڕێگەی گەشەپێدان هەردوولا بڕیاریاندا قەبارەی بازرگانی نێوان ئەو دوو وڵاتە لە 20 ملیارەوە  بۆ 30 ملیار دۆلار بەرزبکەنەوە.

بڵاوکراوەی فەرمی: بەپێی ئامارەکانی دەستەی ئاماری تورکیا، عێراق لە 10 مانگی ئەمساڵدا بە بەهای 9 ملیار و 882 ملیۆن و 949 هەزار دۆلار کاڵای لە تورکیا هاوردە کردووە. ئەم ژمارەیە کەمترە لە هەمان ماوەی ساڵی پێشوو کە هاوردەکان 10 ملیار و 720 ملیۆن و 405 هەزار دۆلار بوون.

پێدراوە ڕاستەکان: ئیمارات بە 7 ملیار و 816 ملیۆن و 101 هەزار دۆلار لە پلەی دووەم دێت، دواتر مەغریب بە 3 ملیار و 630 ملیۆن و 547 هەزار دۆلار لە پلەی سێیەمە. سعوودیەش بە 2 ملیار و 943 ملیۆن دۆلار لە پلەی پێنجەمدا جێگەی گرتووە.

ئەوەی پێویستە بیزانیت: دەستەکە ئاماژەی بەوەداوە، عێراق لە تورکیاوە ئاڵتون و بەردی بە نرخ، میوە و سەوزە، ئامێر و کەرەستەی کارەبایی، پلاستیک، کەلوپەلی ماڵ و گۆشتی هاوردە کردووە.