پێشانگەی کتێبی زاخۆ هەزاران سەردانیکەری هەبووە و سەرووی 37 هەزار کتێبیش فرۆشراون

ئاڤا نیوز

دوای شەش ڕۆژ، ئەمڕۆ کۆتایی بە پێشانگەی نێودەوڵەتی زاخۆ بۆ کتێب هات و بە هەزاران کەس سەردانی پێشانگەکەیان کردووە، هاوکات بە هەزاران کتێبیش فرۆشراون.

چیرۆکی سەرەکی: ڕۆژی یەکشەممەی ڕابردوو، 30-11-2025، سەرۆک بارزانی یەکەمین پێشانگەی نێودەوڵەتیی کتێبی لە زاخۆ بە ناونیشانی "زاخۆ دەخوێنێتەوە"  کردەوە، پێشانگەکە زیاتر لە 20 هەزار ناونیشانی کتێبی لەخۆگرتبوو، هەروەها 65 دەزگای چاپ و بڵاوکردنەوەی ناوخۆیی و بیانی لە 10 وڵات، بەشدارییان کردبوو.

لێدوانی فەرمی: گۆهدار شێخۆ، سەرپەرشتیاری ئیدارەی سەربەخۆی زاخۆ ڕایگەیاند، کردنەوەی پێشانگەکە لەلایەن سەرۆک بارزانییەوە ڕۆژێکی مێژوویی بوو و پێشانگەکەی دەوڵەمەندتر کرد، هەروەها گرنگی هاتنەکەی بۆ بابەتی خوێندنەوە و پەرتووک، ڕۆشنبیری شەرەفێکی گەورە بوو بۆ خەڵکی زاخۆ و بادینان.

گۆهدار شێخۆ ئاشکراشی کرد، بۆ ساڵی داهاتوو پلانیان هەیە بە شێوازێکی بەرفراوانتر و جوانتر پێشانگەی کتێب لە زاخۆ بکەنەوە، تاوەکو زۆرترین دەزگای چاپەمەنی لەسەر ئاستی کوردستان و عێراق و جیهان بەشدار بن، هەروەها پێشانگەکە ببێتە دەرگایەک بۆئەوەی زاخۆ و دەڤەری بادینان بە بابەتی ڕۆشنبیرییەوە گرێ بدرێ.

لەلایەکی دیکەوە: کۆڤان حوسێن، سەرپەرشتیاری پێشانگەکە وتی، 53 هەزار و 934 کەس سەردانی پێشانگەیان کردووە، هەروەها 37 هەزار و 273 هەزار کتێب فرۆشراون. وتیشی، کتێبی ئەدەبی کوردی پڕفرۆشترینی پێشانگەکە بوو.