ئاڤای خەڵک؛ دانیشتووانی کۆیە داواکارن کوشتارگەی شارەکەیان نۆژەن بکرێتەوە

ئاڤا نیوز

خەڵکی کۆیە داوا دەکەن کوشتارگەی شارەکەیان نۆژەن بکرێتەوە، یان یەکێکی نوێی مۆدێرن دروست بکرێت. دەڵێن ئەمەى ئێستا زۆر خراپە و سەگى بێلانەش بەناویدا دێت و دەچێت.

زانیاریی بەدەستهاتوو: دکتۆر خەیروڵڵا خدر، بەڕێوەبەری ڤێتێرنەری کۆیە بە ئاڤای وت: دیوار و سەقف و پەنجەرەکانی بە کەڵک نەماون، سەرووی خۆمان لێ ئاگادارکردووەتەوە، بەڵام جارێ هیچ بەدیلێکمان نییە تا دایبخەین.

لەلایەکی دیکەوە: عەلی سەردار بەڵێندەری پڕۆژەکە، بە ئاڤای وت: لایەنە پەیوەندیدارەکان پێیان وتم کارى تێدا مەکە، هەرچی لێ بکەیت نابێتە کوشتارگە.

لێدوانی فەرمی: تارق حەیدەر، قائیمقایمی کۆیە بە ئاڤاى وت، کوشتارگەکە لە بەنداوی تاڵەبانەوە نزیکە، ئێستا چاوەڕوانى بۆچوونی بەڕێوەبەرایەتیی گشتیی بەنداو و کۆگاکانی ئاوین، ئایا نۆژەنى بکەینەوە، یان هی تازە دروست بکەین، ئینجا ئێمە بڕیار دەدەین.