ئەردۆغان لەبارەی ئەمریکاوە داوایەک لە نیکۆلاس مادورۆ دەکات

ئاڤا نیوز

ڕەجەب تەیب ئەردۆغان، سەرۆککۆماری تورکیا لە ڕێگەی تەلەفۆنەوە لەگەڵ نیکۆلاس مادورۆ سەرۆکی ڤەنزوێلا قسەی کرد و داوای لێکرد گفتوگۆکانی لەگەڵ واشنتۆن بە کراوەیی بهێڵێتەوە.

 

ڕاگەیێنراوی فەرمی: بەپێی ڕاگەیێنراوێکی نووسینگەی سەرۆککۆماری تورکیا، ئەردۆغان بە مادورۆی وتووە، گرنگە کەناڵەکانی گفتوگۆ لەنێوان ئەمریکا و ڤەنزوێلا بەکراوەیی بمێننەوە و هەروەها هیوای خواستووە گرژییەکان بە زووترین کات کەم ببنەوە.

 

بۆچی گرنگە؛ ئەم پەیوەندییە تەلەفۆنییە و ئامۆژگارییەی ئەردۆغان لە کاتێکدایە ئەگەری ئەنجامدانی کردەوەی سەربازیی ئەمریکا لە دژی ڤەنزوێلا ڕوو لە زیادبوونە.

 

زانیاریی زیاتر: واشنتن گوشارەکانی لەسەر ڤەنزوێلا زیادکردووە و هێزی دەریایی گەورەی لە کەنارەکانی کاریبی کۆکردووەتەوە. هاوکات تائێستا زیاتر لە 20 هێرشی بۆ سەر بەلەمی قاچاخچیانی ماددەی هۆشبەر ئەنجام داوە و لانیکەم 87 کەسی کوشتووە.