تیمی چاودێریی دارایی عێراق تا ئێستا هیچ تێبینییەکیان لەسەر داهات و خەرجی فەرمانگەکانی کوردستان نەبووە

ئاڤا نیوز

نزیکەی هەفتەیەکە تیمێکی چاودێریی دارایی عێراق بۆ وردبینی لە خەرجی و داهاتەکانی حکومەتی هەرێمی کوردستان لە هەولێرن، دەیانەوێت پێداچوونەوە بە خەرجی و داهاتەکانی هەموو مانگەکانی ئەمساڵ بکەن، تیمەکە بەسەر چەند لیژنەیەکدا دابەش بوون، سەردانی گومرگ و وەزارەتەکانیش دەکەن.

وێنە گەورەکە: ساڵانە چەند جارێک تیمێکی دیوانی چاودێری دارایی عێراق، سەردانی هەولێر دەکەن، پێداچوونەوە بە تەرازووی پێداچوونەوە - میزان موراجەعە دەکەن، واتا پێداچوونەوە دەکەن بە خەرجی و داهاتەکانی سەرجەم وەزارەت و فەرمانگەکانی حکومەت، ئەمساڵ بۆ دووەم جارە دێنە هەرێمی کوردستان و ڕەنگە 20 ڕۆژ بمێننەوە.

لێدوانی فەرمی: سەرچاوەیەک لە وەزارەتی دارایی و ئابووریی هەرێمی کوردستان، بە ئاڤای ڕاگەیاند، تیمی چاودێری دارایی عێراق، بە هاوبەشی لەگەڵ تیمی چاودێری دارایی هەرێمی کوردستان سەردانی دامەزراوەکان دەکەن، ئێستا لیژنەکانیان لەچەند وەزارەتێکن، بەشێکی فەرمانگەکانیشیان تەواوکردووە و هیچ تێبینییەکی ئەوتۆیان لەسەر خەرجی و داهات نەبووە."

زانیاریی زیاتر: لیژنەکانی تیمی چاودێری دارایی بەردەم دەبن لە بەرسەرکردنەوەی سەرجەم وەزارەتەکان و بە چەند قۆناغێک، هەر داتایەکی خەرجی و داهاتی فەرمانگە یان وەزارەتێک هاوتای وەزارەتی دارایی نەبێت، بە تێبینی لای خۆیان تۆماری دەکەن.