دەستەی دادوەریی هەڵبژاردنەکان کاندیدێکی دەرچووی سووننەکانی دوورخستەوە

ئاڤا نیوز

دەستەی دادوەریی هەڵبژاردنەکانی عێراق نەجم جبووری، کاندیدی دەرچووی پارێزگای نەینەوا بۆ پەرلەمان عێراق دوورخستەوە.

 

نووسراوی فەرمی: بەگوێرەی نووسراوێكی دەستەی دادوەریی هەڵىژاردنەکانی سەر بە کۆمیسیۆنی باڵای سەربەخۆی هەڵبژاردنەکانی عێراق کە دەست ئاڤا کەوتووە، تێیدا هاتووە، بڕیاردراوە کاندیدبوونی نەجم جبووری ڕەت بکاتەوە و دەنگەکانی دەسووتێنێت.

 

هۆکارە زانراوەکان: بەگوێرەی نووسراوەکە، دوورخستنەوەی ناوبراو بۆ ئەوە دەگەڕێتەوە پێشتر ئەندامی پێشووی حیزبی بەعسی هەڵوەشاوە بووە بەم هۆیەشەوە ڕێکارەکانی دەستەی لێپرسینەوە و دادپەوەریی دەیگرێتەوە.

 

ئەمەش بزانە: پێشتر سەرچاوەیەکی ئاگادار هەواڵی دوورخستنەوەی جبووریی بە بە ئاڤا میدیا ڕاگەیاندبوو. هاوکات ئەوەشی خستبووە ڕوو: نەجم جبووری لە دادگای باڵای فیدراڵی تانە لە بڕیاری دوورخستنەوەی دەدات.