کوێت ڕەگەزنامە لە زانایەکی دیاری وڵاتەکەی وەردەگرێتەوە

ئاڤا نیوز

ڕۆژنامەی فەرمیی کوێت بڵاویکردەوە، کوێت فەرمانی کردووە بە وەرگرتنەوەی ڕەگەزنامە لە 24 کەس لە نێویاندا د. تاریق سوەیدان، بیرمەند و نووسەری دیاری ئەو وڵاتە.

نووسراوی فەرمی: بەگوێرەی نووسراوێکی فەرمی، شێخ مەشعەل ئەحمەد ئەلسەباح، میری کوێت واژۆی لەسەر بڕیاری ئەنجوومەنی وەزیران کرد کە بریتی بوو لە کشاندنەوەی ڕەگەزنامەی وڵات لە د. تاریق سوێدان. بیرمەند و نووسەر و بانگخوازی دیاری جیهانی عەرەبی و ئیسلامی کە هاووڵاتییەکی کوێتە.

زانیاریی زیاتر: بڕیارەکە ئەو کەسانەش دەگرێتەوە کە بە ڕێگەی وابەستەیی لەگەڵیدا بەدەستیان هێناوە، واتە؛ منداڵەکانیشی ڕەگەزنامەیان لێ وەردەگیرێتەوە.

ئەمەش بزانە: لە فەرمانەکەدا ئاماژە بەو ماددە دەستووری و یاساییانە نەکراوە کە بڕیارەکەی لەسەر دراوە، بەڵام کوێت پێشتر کشانەوەی ڕەگەزنامەی لە حاڵەتەکانی هەبوونی دوو ڕەگەزنامەی جیاواز و فێڵکردن و ساختەکاری ڕاگەیاندبوو.

باکگراوند: پێشتر لە مانگی 1ـی 2024، لیژنەی باڵای لێکۆڵینەوە لە ڕەگەزنامەی کوێت ڕەگەزنامەی لە سێ هەزار و 701 کەس وەرگرتەوە.