ئاڤا ئاماری بارانبارینی 12 کاتژمێری ڕابردووی ناوچەکانی هەرێمی کوردستان بڵاو دەکاتەوە

ئاڤا نیوز

شەپۆلێکی بەهێزی بارانبارین ناوچەکانی هەرێمی کوردستانی گرتووەتەوە و لە سنووری دهۆک زۆرترین بڕی دابارین تۆمارکراوە و لەماوەی یەک ڕۆژدا لەهەندێک شوێن سەرووی 100 ملم باران باریوە.

چیرۆکی سەرەکی: بەڕێوەبەرایەتیی گشتیی کەشناسی و بوومەلەرزەزانیی پارێزگاکانی هەرێمی کوردستان، داتاکانی بڕی بارانبارینی 24 کاتژمێری ڕابردووی بڵاوکردووەتەوە، ڕێژەیەکی زۆری باران لە بەشێکی ناوچەکان باریوە.

زانیاریی بەدەستهاتوو: بەگوێرەی داتاکانی کەشناسی و بوومەلەرزەزانیی پارێزگاکانی هەرێمی کوردستان، بڕی بارانبارینی 24 کاتژمێری ڕابردوو لە پارێزگا و ئیدارە سەربەخۆکان بەمشێوەیە:

هەولێر: 16.4 ملم
سلێمانی: 15.8 ملم
دهۆک: 28.8 ملم
هەڵەبجە: 18.5 ملم
ئیدارەی سەربەخۆی ڕاپەڕین: 31.5 ملم
ئیدارەی سەربەخۆی گەرمیان: 16ملم
ئیدارەی سەربەخۆی سۆران: 39 ملم
ئیدارەی سەربەخۆی زاخۆ: 19.7 ملم

زانیاریی زیاتر: بەگوێرەی داتاکان لە بەشێکی ناوچەکان سەرووی 100 ملم باران باریوە، لە ناحیەی شیلادزێی سنووری دهۆک 140 ملم باریوە کە زۆرترین بڕە لەسەر ئاستی هەرێمی کوردستان، هاوکات لە بەشێکی ناوچەکان کەمتر لە 10 ملم  باریوە، نزمترین بڕ لە قەزای کفری تۆمارکراوە کە تەنیا 4 ملم باریوە.