نەتانیاهۆ: بەمزووانە دەچینە ناو قۆناغی دووەمی ئاگربەست

ئاڤا نیوز

بنیامین نەتانیاهۆ، سەرۆکوەزیرانی ئیسرائیل، ڕایگەیاند، پێشبینی دەکات بەمزووانە بچێتە قۆناغی دووەمی پلانی ئاگربەست بۆ غەززەوە کە لەلایەن ئەمریکاوە سپۆنسەر دەکرێت.

وێنە گەورەکە: هەوڵەکان بە سەرۆکایەتی ئەمریکا بۆ ئاگربەستی هەمیشەیی لە غەززە بەردەوامن، بەمنزیکانە قۆناغی دووەمی ئاگربەستەکە دەچیتە بواری جێبەجێکردن.

لێدوانی فەرمی: نەتانیاهۆ لە میانەی کۆنگرەیەکی ڕۆژنامەوانی هاوبەشدا لەگەڵ فریدریش مێرتز، ڕاوێژکاری ئەڵمانیا، وتی: گفتوگۆمان کرد لەسەر چۆنیەتی کۆتاییهێنان بە دەسەڵاتی حەماس لە غەززە. بەشی یەکەممان تەواو کرد و دواتر بەمنزیکانە پێشبینی دەکەین بچینە قۆناغی دووەم، کە ئەمە قورسترە.

ئەمەش بزانە: قۆناغی یەکەمی ئاگربەستەکە ڕاگرتنی شەڕ، کشانەوەی ڕێژەیی ئیسرائیل و ئاڵوگۆڕی سەرجەم بارمتە زیندوو و مردووەکان بوو. قۆناغی دووەم بریتییە لە پاشەکشەی زیاتری ئیسرائیل لە غەززە، جێگیربوونی هێزێکی نێودەوڵەتی و دانانی پێکهاتەیەکی نوێی حوکمڕانی بە ناوی دەستەی ئاشتی بە سەرۆکایەتی ترەمپ.